戀人甜甜蜜蜜,棉花糖火鍋過冬日@Espuma

寒冬來了,人變得懶惰,最合適同最愛的嘆美食, 喺溫暖既陽光下我地選擇左去中環Espuma食個Afternoon, 尼度我地已經唔係第一次黎, 店子唔算大,不過坐得好舒服, 每次黎都鍾情靠窗位,個view都唔錯! 每逢有新meun,款式,我地都會黎試下, 今次係為左個【冬日棉花糖火鍋】, 只係聽個名都心動!! 【冬日棉花糖火鍋】大大份,一上枱已經令人興奮, 大大個棉花糖非常搶眼, 棉花糖火鍋有2個選擇,可以揀伯爵茶火鍋  或  紫米露火鍋, 一如以往,跟Tea Set會先虔上牛油鬆餅配忌廉及果醬, 我較愛沾果醬食,微甜鬆軟,感覺唔錯。 首先食上八爪魚沙拉、粟米忌廉肉碎taco, 沙拉入面有蕃茄粒、芒果粒、八爪魚粒,口感清新爽; 粟米忌廉肉碎taco,下面有塊青檬, 脆片非常香口,夾住忌廉肉碎食多左份軟滑感,加埋粟米令口感唔會過膩。 再食炸雞格仔餅、迷你炸魚薯條, 2款食物入口時重有微暖感,薯條炸魚口感唔錯, 而炸雞格仔餅上面有芥末醬, 夾起黎食味精好夾,不過份量再多少少更好。 我地揀左紫米露火鍋, 將三色粉圓放入火鍋,可以令口感煙韌D,入口更和暖! 而火鍋既熱力令棉花糖有少少溶, 一啖三色粉圓,一啖棉花糖最合適! 不過可惜尼2舊藍白雲棉花糖就較甜, 而馬卡龍波板糖就甜度適中。 我最鍾意係招牌窩夫 同水果, 窩夫夠脆,重係微甜岩晒我, 而雜果口感清新,為尼餐完美作結, 無叫到伯爵茶火鍋,所以要叫番杯伯爵茶補數。 而男友就點左Novell即磨凍咖啡,的確係一個享受。

吹出負離子效果【MoistureProtect 智能鎖水護髮風筒】

一頭亮而柔順的秀髮可以令人親和力大增, 平日皮膚保濕做得多,然而頭髮保濕亦不可缺。 從小常聽老人家教導洗頭後務必把頭髮吹乾, 否則會頭痛,但若果過度吹乾,又怕令頭髮因過熱而乾燥。 所以人生必須有一個能鎖水、護髮的好風筒! 很高興在年尾收到這份窩心禮物, 【MoistureProtect 智能鎖水護髮風筒】, 顧名思義,它的亮點在於內置 智能鎖水保濕技術。 風筒以白配玫瑰金,設計簡單優雅, 每個風筒都配有髮冷風掣、集風嘴、擴散風嘴, 它設有2段風速及3段溫度設定, 風速高達每小時 120 公里, 而且配有護髮冷風掣。 平日洗頭後,先以毛巾抹乾,再梳順頭髮, 吹頭的過程中,風筒設有ThermoProtect 恆溫技術, 可測量秀髮的溫度,完美地控制熱力, 自動降低溫度,減卻了平日頭髮因過熱而乾旱脆弱的問題。 我的頭髮頗長,但以智能鎖水護髮風筒在5分鐘內就把頭髮吹乾, 它的風力強勁,可自由選擇2段風速及3段溫度, 我一般會以最大風速、溫度開始, 隨著頭髮漸乾而調細風速、溫度。 此外,它更採用MoistureProtect 保濕感應器採用紅外線技術, 不斷偵測頭髮含水量,並自動調整溫度,保留頭髮原有的自然水分。 完成後,效果比一般風筒更順直貼服, 有自然版的負離子直髮效果, 而且感覺到頭髮仍能保持著水份。 髮尾亦能保持水分平衡,不會過份乾燥,減少了毛燥問題。 大節快到,其擴散風嘴大派用場,是蓬鬆、豐盈效果的好幫手; 而且我自己平日最愛集風嘴,風筒本身的風力強,加上集風嘴, 絕對可以吹出一頭順直亮麗的秀髮! 想輕鬆快捷地為頭髮保濕? 不妨從日常生活習慣開始, 快去試試【MoistureProtect 智能鎖水護髮風筒】吧!

生日聚餐好地方【伊賀日本燒肉料理】

每年都會同弟妹慶生, 今年揀左伊賀日本燒肉料理 食燒肉, 佢地一向係燒肉控,尼度有燒肉之餘重有刺身可揀, 種類繁多,地點又方便,所以就BOOK左尼度! 因為我地6點就到,所以餐廳重未有客, 餐廳好貼心甘安排左我地坐靠窗位, 坐得幾舒服。 開始之先店員就送黎左伊賀刺身船, 入面有甜蝦、榮海螺、蟹籽魷魚、三文魚、蟹棒、帶子、八爪魚、蟹柳、玉子。 榮海螺、蟹籽魷魚、蟹棒係我至愛, 榮螺很爽口;蟹籽魷魚入口嫩滑, 加上蟹籽嘅「爆脆」感,非常唔錯。 刺身船都未食完就急不及待追加! 肉方面,我地叫左安格斯小排、伊賀一口牛,日式五花叉燒,雞腿肉, 安格斯小排肉身夠薄,好多就熟, 燒到岩岩好熟,入口好香, 充滿富油香,嫩口好味! 呀妹最愛日式五花叉燒, 脂肪、肉比例勻稱,口感溫潤。 而細佬話推薦伊賀一口牛,同牛舌, 一口牛肉質好幼嫩,又多汁的確唔錯! 此外,呀妹重點推介尼個 鰻魚玉子燒, 佢個人食左5個,話熱騰騰,真係好好食, 我自己都試左一個,玉子又香又滑,加上鰻魚微甜, 冬天食好有幸福感。 食完肉類終於到左我期待左好耐嘅海鮮, 我地叫左虎蝦、帆立貝、竟然重有蟶子! 我個人覺得尼3樣一定要食, 帆立貝味道唔錯,而頭有牛油,食起黎好惹味!! 而虎蝦有手掌甘長,真係估佢不唔到, 我習慣將虎蝦燒至較熟,蝦肉會較加入味! 我地encore左幾次。 蟶子都非常唔錯,餐廳提供左個細鐵碗入面燒, 既可以原汁原味,又唔會甘易燒乾, 口感香滑彈牙,能食到本身嘅鮮味。 飲野方面,伊賀都有好多選擇,無/有酒精飲品齊存, 我覺得食燒肉配烏龍茶可以清清腸胃,非常唔錯! 最後重有MOVEPICK送,令尼餐非常完滿!