live band浪漫格調~尖沙咀彌敦左岸

之前有唔少朋友同我提過尖沙咀既彌敦左岸好有feel, 講左甘耐,今次終於去到啦! 入到去又幾特別,分左兩層,下面係以睇波飲酒為主, 而上而既氣氛就浪漫d,有情調d, 每張枱上面重有盞台桌,幾有心思。 九點重有Live Band, 提議大家book位時book個可以睇到live band既位, 個feel好正!! 頭盤叫左個|深海海螫蝦刺身牛油梨卷伴阿拉斯加皇帝蟹腳配芒果雪葩|, 蟹肉好鮮甜,啖啖肉, 牛油果切片上,揭開牛油果裡面有驚喜, 下面原來係鮮蝦刺身,牛油果中間重有塊芒果, 蝦肉、芒果、牛油果三樣夾埋一齊食,原來可以甘夾~ 蝦既鮮嫩,牛油果既軟滑感,再加上芒果既微酸, 令人食完想再食!   重點黎啦,|烤西班牙黑毛豬扒伴法邊豆及燒新薯| 黑毛豬扒烤到7成熟,上台既熱度控制得唔錯, 上脆內嫩我至愛!內裡既肉重有粉嫩顏色咖, 三七既肥瘦岩岩好,食落先係微脆既上層, 再咬係鬆化既肉質,而且好入味。 佢旁邊既燒新薯都唔可以睇少, 口感結實、好香口,點醬食幾好味!下次黎要encore! 之後重叫左個| 西班牙辣肉腸香辣牛肉比薩|, 入面有辣肉腸、辣牛肉、莫薩里拉芝士、黑水攬、 白菌、紫洋蔥、俄勒岡。 面頭鋪滿芝士,見到長長既芝士絲已經feel到pizza有幾香濃, 食落去辣肉腸、辣牛肉同芝士個味好夾得黎, 而且重要係薄餅底,非常香脆! 甜點我地叫左個|法式芒果拿破崙伴雲呢嗱雪糕| 估唔到拿破崙可以做得甘鬆化, 夾芯中間芒果肉,甜度適中, 旁邊重有雲呢嗱雪糕、士多啤梨,好滋味! 我叫左杯Passion Fit,杯頂好特別, 有成個熱情果,食得又睇得,打卡一流, 佢係由熱情果、蔬果、西柚汁、梳打水mix埋, 飲落去有少少澀味,吞左之後會帶回香, 飲一啖可以食少少微酸既熱情果粒, 感覺好有趣,唔錯! 朋友都話杯Break Up唔錯!

排濕恩物|木酢健之貼

春天是萬物復蘇,可能年紀愈大愈怕怕春天的到來。 今年情況更甚,特別在香港,整個春天都被“潮濕”包容著, 儘管睡多久,起來總是非常疲倦,「春困」問題非常嚴重, 所以我幾乎每晚都會用上保健貼/腳貼,去除濕氣。 今次介紹的是木酢健之貼, 其成份是可透過發放天然遠紅外線, 來刺激腳底穴位反射區以改善全身的血液循環, 促進新陳代謝, 令體內的毒素有效地從人體排毒系統排出。 我用的是8片裝,方便旅行使用, 另外還有20及60片裝。 內裡全是全天然成份,配合橘子樹的木酢, 加入晶石、綠茶精華及納米元素。 打開有藥粉、專用貼布, 只需將藥粉貼在專用貼布上,再貼到患處即可, 效果持續達8-10小時 一般我會睡前貼於腳底, 情況嚴重的時候更會一足兩貼, 然而膊頭、頸、腰等位置都可使用, 連續使用七日,效果更佳! 貼上後有很輕微的暖感, 其質地柔軟,貼後蠻舒服,貼著睡亦會睡得更好。 第二天醒來,藥包會變成黑色, 表面濕濕的,體內的濕氣被吸出來, 而有手腳浮腫、血氣不通的問題亦會得到改善, 因為木酢健之貼有效加強血液循環, 前陣子天氣潮濕,用後效果更加明顯, 用後不再有’頭重腳重’的現象, 雙肩如釋重負,舒緩了肌肉疲勞, 另外,長期於冷氣房工作的你亦非常適合使用, 改善手腳冰冷或手痳腳痺等情況。

鳴越越式料理

前幾日有事去中環搵朋友,就順便食埋個晚飯, 因為中環食野都貴,我地又想搵個傾得舒舒服服、 又抵食既地方,經過鳴越越式料理, 見到餐牌幾吸引、價錢經濟實惠就入去試下。 沿住樓梯落到餐廳,尼度裝修好有風格, 令我諗番起去越南回憶, 尼度有綠色墻身做主色調, 加上墻身滿佈金邊食物圖, 座位方面,卡位非常闊落,佳得好舒服! 重要讚讚waiter們,服務殷勤,態度好親切。 尼度既晚市精選一人餐好抵食, 我地重加$18升級配左一款小食。 每個餐都包一杯熱飲,加$6就可轉越式特飲, 加$18轉滴漏咖啡或椰青。 我地最後叫左咸檸七、紅豆冰! 最後揀左 越式三寶飯、冬蔭功海鮮炒飯, 小食就揀左越式炸春卷 、 越式蒸粉卷。 越式三寶飯入面有札肉、豬扒、雞翼, 豬扒肉質鬆軟,口感紮實, 加上香蔥、香茅,特別惹味香。 雞翼皮脆內滑,非常香口, 旁邊重有酸蘿蔔絲同蕃茄仔, 可以清清味蕾,開開胃! 而冬蔭功海鮮炒飯都唔錯, 佢無泰式既冬陰功炒飯甘辣, 入面有蝦、青口、蟹柳、帶子,都幾足料, 夠鑊氣,又入味! 一啖炒飯一啖咸檸七,好正! 越式蒸粉卷而頭有香茅、蔥粒, 食起上黎特別清香, 薄薄既粉卷皮包住豬肉粒、白蘿白粒…… 同時有多種口感! 春卷炸得熱辣辣,非常香脆, 包埋塊生菜,再點埋甜酸醋食一流!

好有驚喜!!組長日式放題

前排忙得好過份,好耐無放縱咁食, 難得同男友夾到一日假,當然要食放題, 結果我地黎左組長日式放題, 尼度好方便,食落真係幾多選擇! 因為我地驚人多,我地六點就黎到啦, 好彩早左黎,坐左一陣就full左啦! 尼度既裝修幾有氣氛, 掛滿日式燈籠,座位寬闊, 坐得幾舒服。 等緊野食黎既時候,出左去睇有咩食, 點知畀我發現尼度有花膠元貝水蟹粥, 鍾意蟹粥既你一定要試!! 因為佢放左喺個唔起眼既地方, 蟹味超!級!香!濃!食得出真材質料, 好多蟹肉、元貝喺入面,充滿蟹肉鮮甜, 大家一定要試下。 食尼度食放題,會送一個火窩, 三揀一,我地揀左牛肉壽喜燒, 入面有雜菜、豆腐、金菇, 肥牛係薄切,色澤新鮮,口感柔軟。 長腳蟹好入味,蟹肉結實,都幾爽口彈牙! 另外,因為見到有長腳蟹, 所以我地加左$38點食埋極上點餐紙入面既食物, 特大赤蝦真係有成隻手掌甘長, 入口鮮甜,蝦身肥美鮮甜。 珍寶帶子真係大大粒粒咖, 粒粒都好清甜,我地叫左幾round!! 講真加$38黎講,叫2 round都已經回晒本啦 每次食放題都係食剌身為主, 今次都唔例外,推介番, 尼度有厚切三文魚, 淨睇都感覺到好肥美, 口感脂感濃郁。 北寄貝肉質肥厚、口感嫩滑甘甜。 象拔蚌、熟廣島蠔都唔錯咖!   另外爐端燒都係入面既饅魚串、日式蕃薯仔、燒新鮮菠蘿, 都係一個非常好既選擇! 食物黎到枱上係重熱咖, 有好多放題都做唔到尼樣野, 特別係饅魚串襯熱食先會更滋味! 魚肉軟嫩解甜,每串有3小塊,一定唔會漏, 而日式蕃薯仔、燒新鮮菠蘿係我大愛之物, 日式蕃薯仔一粒一啖岩岩好, 熱度同樣夠,而且入口即溶。燒新鮮菠蘿多汁鮮甜,推介!! 飲品方面,有十幾款冷飲之餘, 重有好貼心既熱飲,有麥茶、柑桔檸檬, 照顧到好似我尼d好熱飲既女士, 尼part 真係要加分! 最後食埋甜品就非常完滿, 而我就揀左食雪糕, 竟然俾我搵到牛奶樂,中學時代既童年回憶呀! 此外,真係幾款口味揀,總有一種岩你口味!

自動柔膚Filter【CAUDALIE INOPERFECT 葡萄蔓極緻完美系列 】

平日參加聚會、活動,相機跟身, 除了相機食先,自拍、合照都成了指定動作! 如果你問我選一部相機最重要的功能是什麼? 我會毫不猶疑地答你,要有柔膚功能, 希望以它進一步遮掩我的瑕疵,令我的皮膚拍出來更亮白! 當然,以上只屬治標不治本之效, 歸根究底,每個女士都需要一套美白、改善肌膚的護膚品。 護膚這回事,我一直想效法法國女生的美白之道, 聽說她們祟尚自然,愛用天然成份的護膚品, 所以法國的護膚品大多都比較溫和, 就如我多年沿用著的護膚品牌Caudalie, 一直都被它的天然成份、清新氣味深深吸引, 所以今次想跟大家分享一下其【CAUDALIE INOPERFECT 葡萄蔓極緻完美系列 】。 在個多月前,在選購轉季用品的途中, 到了CAUDALIE專櫃進行皮膚分析, 店員為我推介了【CAUDALIE INOPERFECT 葡萄蔓極緻完美系列】, 其吸引我之處,在於獨家其專利成份Viniferine葡萄藤萃取液, 亮膚功效比維他命 C高62 倍,可將污染物傷害減低4成! 而且整個系列都不含有害防腐劑及油份等化學物質, 可以日夜溫和地全效亮白淡斑! 想要加強整個亮白效果,可以跟著以下四步曲的步驟。 日夜全效亮白四步曲: 第一步 : 【淨白煥膚PREPARE-極緻完美透白精華露】HK$280/ 150ml 第二步:  【淡斑亮白CORRECT-葡萄蔓極緻完美精華】HK$510/ 30ml 第三步:  【全效防護PROTECT-極緻完美亮白日霜SPF20】HK$310/ 40ml 第四步:  【更新亮肌RENEW-極緻完美凝白晚霜】HK$310/ 40ml 【極緻完美透白精華露】是潤膚提亮的第一步, 它結合了甘醇酸,可溫和去除老化角質; 白牡丹萃取物,有助均勻膚色; 有機葡萄籽水,可以紓緩保濕。 精華露為透明水狀,因內含橙花水,所以令觸感幼溝細膩。 可於早晚潔膚後,以化妝棉或手心取用精華露, 再塗上精華液,輕抹至全面及肩頸部(避開眼部)即可。 可即時去除角質,滋補肌膚, 回復肌膚原有光澤度,提昇其後護膚品的吸收度。 第二步是【葡萄蔓極緻完美精華】, 這支是我的重點推介,它更是極緻完美亮白系列的皇牌產品, 並連續 9 年被選為法國第一的亮白淡斑產品。 它為乳白色的精華狀,質地幼滑而清爽, 而且帶陣陣清香,塗上皮膚後很快被吸收,Continue reading “自動柔膚Filter【CAUDALIE INOPERFECT 葡萄蔓極緻完美系列 】”

柔潤亮膚【Kiehls 醫學維C淨白系列】

轉眼間已入秋,時刻都要做好淡斑亮肌的功夫, 為充滿戶外活動的夏日做好準備, 因為本身膚色較深,所以一直努力尋找可以防止紫外線對肌膚造成損害, 令膚色均勻一致,同時減淡色斑及細紋的護膚品。 去年試了【醫學維C亮白透滑水嫩啫喱】, 愛上了其香味、質感,如今已用光光, 所以今次打算試試其餘的 醫學維C淨白系列的幾款, 今次介紹的【Kiehls 醫學維C淨白系列】分別有: ➔醫學維C亮肌磨砂潔膚啫喱 ➔醫學維C亮肌柔膚水 ➔醫學維C淡斑精華 整個系列都是不含矽、paraben防腐劑及香料, 不含色素及光擴散劑,可放心使用。   首先是【醫學維C亮肌磨砂潔膚啫喱】, 獨愛其幼滑質地,潔膚啫喱內含珍珠岩石粉及白樺萃取, 加水後按摩,按摩時會感覺到微細粒子,而且會揉出豐盈泡沬。 可去除污垢、污染物, 包括殘留在肌膚的防曬產品及化粧品, 其成份溫和,用後不會乾緊, 亦能改善皮膚質素,提升柔滑、亮澤度。   【醫學維C亮肌柔膚水】 潔面過後,是使用柔膚水的最好時機, 【醫學維C亮肌柔膚水】蘊含甘草根萃取、亮肌礦物質、活性維他命C, 為肌膚24小時保濕及強化肌膚屏障。 沾適量柔膚水到化妝棉上, 以化妝棉輕抹面部,質地細滑、清爽, 而且帶著陣陣清香味, 用後有即時滋潤之感,去除暗啞, 提升肌膚透亮度,令毛孔打開, 增加其後用品的吸收度。 最後用上【醫學維C淡斑精華】, 其內含活性維他命C、白樺萃取、牡丹萃取, 可以狙擊頑固黑斑,補充肌膚真皮和表層的水分及營養。 其質地輕薄潤滑,而且沒有黏稠感,滲透度高。 適合於保濕霜前使用,以2滴份量輕輕打圈塗渾全面, 用後有即時滋潤之效,令面部提升彈性, 而且面部色澤不均的問題亦有所改善, 令皮膚變得柔潤亮澤。        

享受生活 | 浪漫小店Flâneur

早前喺朋友面書睇到佐敦Flâneur, 覺得幾岩食,就約左呀妹去試下! Flâneur地點好方便,佐敦地鐵c出口/柯士甸西鐵站一出就到, 黎到覺得尼度好特別,係半開放式設計, 有個靠窗嘅吧台位,好開揚。 呀妹係沙律精,二話不說點左個西瓜沙律, 全名係”Mixed Salad with Watermelon”, 我地揀左韓國柚子汁, 估唔到有驚喜,柚子汁酸酸甜甜,特別開胃, 雜菜加上西瓜,又幾match~ 西瓜清甜多汁,尼個沙律連我個沙律精呀妹都讚不絕口! 珍寶大頭蝦海鮮意大利麵(HKD228), 估唔到蝦肉可以大份到咁! 肉質鮮而味濃,口感紮實彈牙, 裡面重有青口、蜆,同樣食得出鮮味,食到舐舐脷! 另外,我叫左個”烤美國豬背骨 (半份 HKD98)”, 好彩只係叫左半份,因為份量好大, 豬背骨面頭烤到微焦,配上BBQ醬, 啖啖肉,肉質軟熟,配合bbq汁、幾入味 旁邊有我至愛既燒粟米伴碟,一流! 我地一人一杯菠蘿汁,甜甜地,非常唔錯! 雖然同呀妹已經飽到上頸, 但都要心思思叫多個“燒焦糖菠蘿” 菠蘿大大舊舊,超多汁, 表面塗左d焦糖,燒至微焦, 酸酸甜甜,特別香口入味。 PS: 得2個人叫唔到燒雞,見到人地隻燒雞好正,下次一定要試!!!